Thahra hua yeh waqt suna raha kuch khamosh si aahatein,
Guzare hue kuch lamho ki daastaan shayad kar rahi bayaaan yeh baatein
Uljhe hue inn jazbato ka sailab, de raha hai dastak iss rooh par,
Ho rahi yeh aajmayish meri udane ki, iss khule aasman par
Kshan dar kshan gunj rahi uss anjaan awaaz ko hoon dhund raha,
Armaano ke bhavar mai mere wajood ka saya, beparwaah ghum raha
Sapno ke naqab ko oodhe, bana hua mujrim har bite hue kal ka,
Dil ki gehraaiyo mai machal rahe tufano mai, jeevan kashti liye chal raha
Ek kashmakash ke aagosh mai khoya hua anjaan sa hoon aaj,
Kuch anjaan lamho ki talaash mai ghar se bahar nikala hoon aaj..............